所有文章

小漁村 準備進入土星回歸，展開3年之旅。 星盤重要時刻： 25年5月 北交點南交點合相代表過去與未來交匯，應該要反思過去經驗，並將其轉化為未來成長嘅機會，重新評估自己方向，可能會出現重大生命轉變及選擇！（跟開黑社會，應該唔會有得救！） 26年 3月 土星海王星合相上升點，多年來建立嘅根基毀於一旦，出現抑鬱恐懼，禮崩樂壞，即係玩L完。（土星代表地產，食花生🥜） 27年 4月 土星回歸，土星返回出生時土星嘅相同位置，土回歸周期大約為29.5年，通常咁樣，個人生活會出現重大轉變，加上到時7人海王星火星對分相，當時人會極度迷糊，狀況應該係，食太空油中毒半死不生。流年天王星對沖冥王星2宮8宮，傾家蕩產，完晒！

有乜嘢人，容易無縫接軌？其中一款叫：月亮🌙 七宮（有困難相位） 月亮七宮嘅人，唔習慣獨處，往往為咗安全感而拍拖結婚。如果月亮七宮有困難相位，呢啲人，好容易對感情或婚姻焦慮，由於喺親密關係時想像力過度豐富，成日為垃圾無聊事而鬧交。 安全感一旦被動搖，唔妥唔開心，就會私下心中盤算，回憶前任出嚟比較。呢類人最容易為咗安全感，偷偷分散投資，搵定幾件對象做後備，做成分手後無縫接軌嘅狀況........走先啦係咁先啦！ 無縫接軌高危人士：白羊座 /獅子座 /人馬座 月亮 🌙 7 宮

大約每隔36年代表理想嘅（海王星），與現實嘅（土星）會發生一次合相，簡單解釋係夢想或幻覺之上嘅僵化結構崩潰，隨後建構新秩序。 2026年2月20日，土星與海王星合相將會發生喺白羊座 0°。白羊座係黃道十二宮第一個星座，同時被稱為「世界軸」，白羊座 0°代表新秩序或全球重置開始。 歷史上土海合相，世界都會有啲勁嘢發生，係影響世界嘅大事。 1989 年（土星海王星摩羯座）：柏林圍牆倒塌與蘇聯解體。 1952/53 年（土星海王星天秤座）：史達林個PK死咗、伊莉莎白二世女王加冕。 1917年（土星海王星獅子座）：俄國革命推翻君主制變成「獨裁統治」、西班牙流感大流行。 對上一次（土星海王星白羊座）係1703 年： 1 俄羅斯崛起（聖彼得堡建立）。 2 西班牙國王死咗，爆發王位繼承戰爭，歐洲七國咁亂。 3 日本元祿大地震 （Genroku earthquake）關東地區嚴重破壞傷亡。 4 葡萄牙與英國簽約，成為商業與軍事聯盟。

美伊談判陷僵局，Trump話要炸爆伊朗，要令一個文明一夜收皮。伊朗同一時間召集無知年輕人包圍重要設施，用人民做人肉護城河。邊個Evil啲？如果Trump炸爆Kharg，同時又炸死伊朗人民。結局係又有人喺美國上街哭喪，情緒勒索全世界。 Trump星盤係自身難保，或者佢係低估咗邪教力量。由今日至4月12日，Trump情況暫時不利。而土星合相鬩神星，代表佢對呢單嘢採取「長期硬碰硬」態度。如果伊朗唔關閉核能、交出海峽控制權，即使Trump明知打爆伊朗有後果，影響埋自身利益同埋被政敵攻擊，佢都唔會Chicken out。因為流年上升Lilith合相，代表佢既行動不計代價。 6月14日佢就生日，上升獅子應該想生日前搞掂佢。

睇咗N咁多星盤，統計過火星落處女座嘅人，喺以下 三個宮位，絕對係内耗大師，挑剔之王。 第十二宮 第 12 宮係一個隱藏、消融嘅「黑洞」，但火星需要爆發，處女座需要清晰嘅秩序。當火星處女落喺 12 宮，你嘅憤怒同行動力會被壓住。明明對某件事/某個人好不滿（睇到好多細節錯漏），但你講唔出口，只喺心入面默默扣分。壓抑嘅怒火無處發洩，容易轉化為嚴重焦慮症。仲好易腸胃發炎。 第七宮 7 宮係講求和諧、包容同互相妥協嘅宮位。但火星處女喺度，會將所有「挑剔、教官、執手尾」嘅火力，100% 集中對準你最親密嗰個人。你哋嘅感情生活好容易為咗生活雞毛蒜皮嘅事嗌交，例如：牙膏由邊度唧起、洗完碗點解枱面有水漬，令你自己變成一個感情中嘅「控制狂督察。 第四宮 第 4 宮本來係一個人收工返屋企、除低盔甲嘅避風港。但火星處女喺度，等於喺屋企裝咗個「全天候CCTV」。返到屋企完全停唔到落嚟，見到地下有條頭髮、梳化個攬枕擺歪咗，你把火（火星）就會辣著。對原生家庭或者同居伴侶嘅生活細節要求極高，經常會因為家務分配、衛生習慣爆發大混戰。

Check人手機？唔好啦！ 星盤入面，有乜嘢相位代表疑心重，容易Check人手機？ 答案：「冥王星 月亮 180度 」呢個相位⋯⋯容易有以下情況： 1 容易成為仆街磁石 2 對於情感背叛 極為執著 3 易有報復心態 有自毀毀人傾向 4 疑心大 鍾意Stalk人 無論（家人、朋友、伴侶） 好處係，呢類人好適合做私家偵探。

占星睇事業，大家多數問幾時搵到工？轉唔轉工好呀？ 做醫護嘅人，問嘅嘢就比較特別，最鍾意問：「我轉邊個Ward好？」 問得咁Detail，原來都有得睇。 其實，星座同特定嘅身體部位都有關，例如：金牛座掌管喉嚨，雙魚座掌管雙腳。行星就掌管身體功能同埋器官，例如，太陽掌管心臟，月亮掌管胃、女性器官⋯⋯。 護士們，想轉Ward又想知自己適合邊樣嘢，最緊要睇吓星盤十宮係乜嘢星座，又有粒乜星？ 舉例： 護士A，星盤十宮係天蠍座，有粒月亮。 天蠍座代表：生殖系統、性器官、排泄系統。 月亮代表：胃臟，消化系統，女性器官，淋巴系統。 咁最適合護士A嘅係：秘尿科、腸胃科、婦科，呢條女基本上只會出現喺內科病房。另外，月亮代表母性、阿媽、女性特質，從事照顧行業、賣家淘寶家品、開餐廳、甚至賣M巾都好適合。所以做護士，十宮有月亮好合理，當然做PCA、老人院、幼教都非常適合。 以上只係好簡單舉例，需要睇晒整個星盤先可以作準。

冇工返你又焦慮，有工返你一樣焦慮？呢啲真係病態嚟！ 當土星落入你星盤第六宮，你本身係自願性社畜一名，工作態度非常務實，又有責任心，簡直係社畜界明日之星，請到你公司真係要開香檳！你奴性重做嘢上心，咁份工自然成為你人生最大嘅壓力來源之一，同時你好易因為返工，返到五勞七傷周身骨痛，最慘係影響精神健康，搞到焦慮症。 星盤入面第六宮，同受雇、下屬、健康有關。土星係占星學視為凶星！象徵責任、壓力、困難，精神層面上就代表悲觀壓抑，有此格局，容易為工作而慮。 所以天下間所有最無良嘅老闆，建議你哋請啲六宮土星嘅員工，因為佢哋真係好乖好聽話，既堅毅又含忍（含蓄、忍耐），捱到噴血而死，鞠躬盡瘁，死而後已！

八九十年代，唔少父母會搵啲八字師傅擇日開刀生BB，究竟咁樣做，對小朋友好定壞？ 睇過部份擇日開刀出世嘅90s 00s星盤，配置非常靚，自身財運學業事業運，幾乎係人人想要嘅嘢，但共通點係，5宮7 8宮感情宮位爛到一個點，凶星雲集落陷刑剋。一係7宮天王星、海王星，一係7宮冥王星、火星、土星，真係恭喜晒！另一款係IQ160EQ近乎零，有情緒病，搵到錢但要課金睇心理醫生。 生存喺功利主義社會，父母想子女學業事業有成，搵到錢？但唔知啲八字師傅有冇講你知，做人無兩全其美。就好似Donald Trump咁，佢天生富二代，做美國總統，但性格古怪離婚破產，仲要畀人暗殺。金無足赤，人無完人！

經過165年，25年3月30日海王星再次進入白羊座。占星學入面，海王星、天王星和冥王星係移動得最慢嘅三粒外行星，呢三粒星穿過每一個星座，都代表時代變遷。 海王星－以海洋之神命名，象徵神秘主義以及理想主義。 海王星代表一個冇邊界嘅空間，超越具體物理。 正面：幻想、幻覺、夢想、直覺、靈性、同情和同理心。 負面：困惑、妄想、欺騙、逃避、瓦解、上癮。 白羊座-黃道第一個星座，代表春天開始，守護星係火星，代表戰神。 正面：開拓精神、崇尚行動、獨立個人化。 負面：衝動魯莽、缺乏耐心、好鬥且競爭激烈。 海王星需要14年先會穿越一個星座，以下係海王星穿越白羊座嘅影響： 基於虛假資訊而引發嘅衝突與戰爭 包容同情心終結 大量騙案 叛亂、帝國解體、內戰 虛擬真實令人困惑 精神病 中毒、化學武器

睇你粒冥王星，就知你係米old sea food？ 冥王星 巨蟹座（1914-1939）：Gen S （The Silent） 冥王星 獅子座（1939-1958）：Baby Boomers 冥王星 處女座（1958-1972）：Early Gen X 冥王星 天秤座（1972-1984）：Gen X & Early Gen Y 冥王星 天蠍座（1984-1995）：Gen Y 冥王星 人馬座（1995-2008）：Gen Z 冥王星 山羊座（2008-2023）：Gen Alpha 現代占星學，以冥王星位置，分辨唔同世代。

以下係近100年來，土星與海王星合相期間（容許度前後約 1-2 年）發生嘅重大地震記錄： 1989年10月 舊金山大地震 ：規模 6.9 。 1988年 亞美尼亞大地震 ：規模 6.8。 1952年 11月 堪察加地震 ：規模 9.0。 1952年 加州克恩縣地震：規模 7.3 。 1953年 希臘愛奧尼亞群島地震：規模 7.2。 1918年 庫頁島地震 ：規模 8.3。 1918年 波多黎各地震：規模 7.1。 1917年 薩摩亞地震 ：規模 8.5。 25進入26年，人類目前正處於土海合相週期邊緣。 土星與海王星將於 25 年到 26 年初在「雙魚座末度」與「白羊座初度」合相。從歷史規律嚟睇，發生時間多數係合相前後嘅一或兩個月。特別注意海洋有關大型變動（火山爆發、海底地震、海嘯）及水利設施水壩安全。2月就係土海合相！ （本宮唔係印度神棍，世上從來冇人能夠預測大地震，以上只係個人占星研究分享。） 人禍比天災更可怕，好多災難都係人為！

占星術話你知，海王星代表（共產主義） 原來俄羅斯歷史上嘅幾個關鍵時刻，與土海合相的週期精準重疊： 土海合相時間 對俄羅斯影響 🇷🇺 1917年 土海獅子座 俄國革命（沙皇體制崩潰共產主義意識形態誕生） 1953年 土海天秤座 史達林逝世（鐵腕統治終結，意識形態局部解凍） 1989年 土海摩羯座 蘇聯解體（柏林牆倒塌，集體結構徹底崩潰） 2026年 土海白羊座 ？？ 2026年啟示： 任何建立於幻想、誇大或逃避現實基礎上嘅國家戰略（海王星），都可能於接下來幾年，遭受殘酷嘅土星式修正。可能係對領導層嘅個人信念、軍事力量實際效能，以及俄羅斯於國際社會地位嘅「清算」。

加拿大🇨🇦厯厯亂⋯⋯點算？自從Mark Carney做咗加拿大總理後，國內外似乎好多爭議。佢先搞癲Trump ，Alberta班人趁機想脫加，然後佢繼續帶團去搵Sugar Daddy。 用法達占星（Firdaria）睇吓Mark Carney 條命搞乜？ 1. 51歲生日開始行木星大運12年 ，木星係吉星，日間出生，呢12年基本上好順，迎來榮譽財富、工作發展十分順利。相比40歲嘅土星大運，近十年係人生最高峰。 2. 26年6月29日，正式進入30個月嘅土星小運，佢本命木強土弱，依家威多一陣，下半年開始運變得辛苦，土星帶來極大現實壓力，但佢會唔理咁多死撐。呢30個月木土同時代表「長輩」「權威」，背後有權威人士支持。另外佢土雙魚，健康上對應雙腳、淋巴系統，小心腳痛仆街。 3. 28年3月，行火星大運7年，小運火星。進入「破壞與重建」嘅階段，係佢人生最差大運。容易急躁、衝動做錯決策，或者同啲同事、家人發生衝突。行火火運係容易發燒、發炎、頭頸易受傷。 總結係：26年6月29日佢開始走下坡，27年準備告別20年好運。

日本2011年3月11日 宮城縣大地震 日本2026年3月26日 岩手縣東部海域6.4級地震 日本2021年2月13日 福島7.3級地震 大地震發生，一直以來連 美國國家地震局 都預測唔到，但 話說日本預言漫畫 《 我所看見的未來 》， 曾預言2025年日本7月會大地震，不過係冇發生到！ 今日係2026年3月27日，剛剛日本2026年3月26日岩手縣東部海域發生6.4級地震，多手睇吓發現地震星盤，同2011年311大地震有好多巧合地方。兩個星盤上升與天底兩個星座位置不謀而合地相同，上升人馬座、天底雙魚座（海洋）與白羊座（火象之首，象徵「爆發」與「開端」）。同時兩個星盤都觸發土星、天王星與及莉莉絲，（莉莉絲代表隱藏、難以預測嘅黑暗力量。）當大量能量從雙魚（水）過渡到牡羊（火）時，物理上常表現為能量瞬間釋放（如火山噴發或地震波擴散）。更特別係同時木星與水星都有相位，因為木星會放大能量，水星則代表傳導速度。係巧合？還是有得預測，實在不得而知，而2021年2月13日福島地震，同樣都係天底四宮群星被觸發，土星、木星、水星同時被天王星刑勊！！！ 關於地震，.